Regntida utfordrar bibelskulen

I regntida kjem stort sett alltid regnbyene frå aust. Ofte kan det vere sterk austavind i samband med regnbyene, og det fører til at mykje vatn kjem inn i bygninga. Då bygninga vart reist var det med tanke på å få inn luft og lys i møtesalen.

No har det vore nok ekstraarbeid med regnet og difor er to gode maliske medarbeiderar sett i gong med å lage lemmer i jern som kan lukkes for desse vindaugo når regnet og vinden herjar. Dette vil og vere tenleg for å vise film i møtesalen for å sleppe å lage provisoriske løysingar med tepper som dett ned midt under filmen. Under ein barne- og ungdomsleir i fjor sommar måtte dei samle seg i motsatt ende for å sleppe å bli våte under møtene.

Utfordringar for folket i Mali
Karim Fofana er pastor i kyrkja i Bafoulabé og mykje på farten for å fylgje opp kristne i området. I starten av juni var han på ein liten turné for å planleggje nokre samlingar for å styrkje dei kristne i trua. Fleire stader treff han lite folk heime. Dei har dratt for å leite etter gull i sørvest Mali, nærare bestemt i Kenieba området. Det er lite arbeid å oppdrive lokalt og nauda er stor. Difor har mange ikkje noko val men må ut og søkje arbeid for å skaffe inntekter til familien.

Nokre gullgraverar kan tene godt, andre toleg bra, men mange får lite å ta med heim til familien. Det er også risikabelt å arbeide i gruvene, med lite HMS tiltak. Karim Fofana reknar med at mange snart vender heim i og med at regntida no står for døra.
  

Del på Twitter

Kommentarer: