Dagleg leiar på Teigen frå 1. februar

Aud Norunn Vig

Det er ei glede å dele at Aud Norunn Vig er tilsett som dagleg leiar på Teigen frå 1. februar i 50 % stilling.

Aud Norunn Vig er gründer og anleggsgartnar i tillegg til fleire relevante erfaringar frå ulike jobbar og verv. Ho er dagleg leiar i sitt eige firma Kinn Hage og Trepleie i Florø med tre tilsette. No vil ho sleppe nye krefter til der i delar av si stilling, og såleis passar det fint å kombinere det med stillinga på Teigen. Sidan 2017 har ho vore medlem i Teigenstyret, og kjenner arbeidet på Teigen godt.

– I starten av arbeidsperioden ser eg det som viktig å kunne bli betre kjent med region Normisjon Sogn og Fjordane, både tilsette og andre leirstader i fylket, for å kunne organisere stillinga på ein måte som tener både organisasjonen sin visjon og Teigen som leirstad. Eg ønskjer også å betre kontakten med gjevarar og frivillige så vi kan danne ei god plattform for samarbeid, seier Aud Norunn om oppstarten.

Stillinga er ei prosjektstilling på eitt år i første omgang.
Normisjon Sogn og Fjordane ønskjer Aud Norunn hjarteleg velkommen!

Relatert innhold

Rektorskifte på Sunnfjord Folkehøgskule

Sunnfjord Folkehøgskule startar opp med god elevtilgang for det nye skuleåret, og med nye elevar kjem det også ny rektor. Han heiter Jon Olav Leira, og han avløyser Jorun Knapstad, som har vore rektor sidan 2006.

Read article "Rektorskifte på Sunnfjord Folkehøgskule"

Nordfjord Soulteens

Likar du musikk? Danse? Synge? Få nye vener? Vere rett og slett sosial? Då er dette noko for DEG!

Read article "Nordfjord Soulteens"

Sommarmodus

Regionskontoret for Normisjon Sogn og Fjordane er stengt 1. juli - 8. august på grunn av arrangements-avvikling og ferie. Her er litt info viss du treng kontakte oss, samt oversikt over det som skjer i sommar.

Read article "Sommarmodus"