Fjordlybasar

Laurdag 9. mars var det fullt hus og god stemning på Fjordly. Den årlege basaren gjekk av stabelen, og grunna engasjement frå mange, blei det ny økonomisk rekord!

Tekst: Marte-Iren Lade

Rundt 90 personar møtte opp på basar i strålande sol. Mana Sørgård frå Raudeberg spelte nokre nydelege pianostykke på basaren, og gav folk høve til å lytte og nyte i mellom slaga med åresal, trekking og mat. Mana er 13 år og har spelt piano i 7 år. Han kom nettopp vidare til fylkesmønstringa i UKM. Barbro Silden talte om sanning, og siterte Joh. 14,6, der Jesus seier: «Eg er vegen, sanninga og livet. Ingen kjem til Far utan gjennom meg.» Allsong og konkurransar var òg med på programmet. Kjekke ungdomar selde årar og avrivingslodd, og folk kjøpte villig.

Mange hadde selt lodd rundt om i bygdene på førehand, og for fyrste gong i nyare historie blei resten av dei 170 listene selt ut i løpet av basardagen! Når folk i tillegg var så ivrige på å ta lodd og kjøpe årar, blei det ny økonomisk rekord og Fjordly sat att med kr. 115 000 etter å ha trekt frå utgifter til gevinstar!  

Tusen takk til alle som har laga gevinstar, gitt gevinstar, selt lodd, kjøpt lodd, laga mat, laga til og til alle som møtte opp!

Her er dei som vann gevinstane som vart lodda ut til basaren.

Les også Nytt liv for Eidhytta

Sjå fleire bilete under.

Relatert innhold

Nordfjord Soulteens

Likar du musikk? Danse? Synge? Få nye vener? Vere rett og slett sosial? Då er dette noko for DEG!

Read article "Nordfjord Soulteens"

Sommarmodus

Regionskontoret for Normisjon Sogn og Fjordane er stengt 1. juli - 8. august på grunn av arrangements-avvikling og ferie. Her er litt info viss du treng kontakte oss, samt oversikt over det som skjer i sommar.

Read article "Sommarmodus"

Gir Jesus vidare til barn og unge!

Sommarleirar på Teigen og Fjordly gir flotte og viktige opplevingar for mange barn, unge og vaksne. Og kvart år er det nokon som står på ekstra for at det skal vere mogleg å arrangere desse leirane.

Read article "Gir Jesus vidare til barn og unge!"