Tar ansvar i søndagsskulen

Det er karnevalshelg og gudsteneste i sentralkyrkja i Cañar. Barn, unge, foreldre og besteforeldre har møtt opp.

Tekst og foto Åse Røsvik

Stor glede på og mykje moro på karnevalshelg.

Fleire av dei unge studerer, men kjem til Cañar i helgene. Ei av dei er Carolina Hidalgo som er 21 år og veterinærstudent. Det siste halvåret har ho hatt hovedansvaret for søndagsskulearbeidet, etter ein lengre periode utan barnearbeid i kyrkja.

– Eg var medhjelpar på ferieskulen no i august. Etterpå vart eg utfordra til å vera hovedleiar for søndagsskulearbeidet, forklarer Carolina.

– Vi har nettopp laga årsplan med temabolker utover året. Ein gong i månaden skal vi ha spesialprogram. I dag er det karnevalsfest. Til påske skal vi øve inn drama… ja, og så har vi tenkt å lage til ein liten barneleir på slutten av året.

Carolina har ordna med små kremtopper på papptallerkener. Jonathan stiller quiz-spørsmål: «Kor mange vegar er det til Gud?» «Ein», roper dei i kor. Det blir forvirring på spørsmålet om kva som er VEGEN. «Sanninga? LIVET?» Alle ler godt når kremen blir trykt inn i fjeset på den uheldige deltakaren. 

Til neste konkurranse kjem vannballongane fram, og deretter maizenamjølet – slik det skal vera i karneval. To lag stiller i rekke og maizenamjølet går raskt over hovudet bakover til sistemann. Litt vanskeleg å sjå kva lag som vinn, men i alle fall blir dei våte, lattermilde barna dynka med mjøl.

Nysatsinga i kichwakyrkjene har barn og unge i fokus. For evangeliet skal videre: over den store generasjonskløfta og via unge som tek ansvar for neste generasjon.

Vi ber for: Søndagsskulen i Cañar

Gje ei gåve til kyrkjelydsarbeidet i Ecuador her!

Teksten sto opprinnelig på trykk i Ferskvare 1/2018

Relatert innhold

Oversettelser til besvær

Les to av våre utsendingers kuriøse erfaringer fra når konkrete ord skal oversettes fra ett språk til et annet.

Read article "Oversettelser til besvær"

Gir kunnskapen videre

I utgangen av 2020 ble FAST-prosjektet i Kambodsja avsluttet. Nå forteller 18 år gamle Reaksmey og 25 år gamle Sarum om hvordan de gir erfaringene videre til lokalsamfunnet.

Read article "Gir kunnskapen videre"

– Alltid plass til en til

Svein Høyseter, en av Normisjons ildsjeler fra vestlandet, trodde ikke det var plass til enda et land i hjertet sitt. Nå har han familie i flere av Normisjons samarbeidsland.

Read article "– Alltid plass til en til!"